Ro og rikka
Anna Utne (f. 1940)
er fødd Kragh Wehn og budde si første tid i Hosanger på Osterøy. Far hennar, Hilmar Kragh Wehn var bergingeniør i Litland gruver. Dei budde også i Mo i Rana og Oslo før dei slo seg til på Paradis i Bergen i 1946. Anna gjekk på Storetveit skule, og fekk sidan gå på realskule i Fana. Ho tok artium ved Danielsen gymnas i Bergen. I sitt vaksne liv har ho arbeidd som bioingeniør, mellom anna ved Haukeland Universitetssjukehus. Anna gifta seg i 1962 med Amund Christian Utne (f. 1938). Familien hans arbeidde i og eigde Salhus veverier. Song- og musikkinteressa har Anna arva etter begge foreldra. Anna har reist og opplevd folkemusikk og folkedans ulike stader i landet. Ho har samla songane etter mora, Olga Elida Bakke (1906-1987). Ho var fødd på Glesvær i Sund (i dag Øygarden). Olga fekk lære å spele orgel og song mykje. Ho had also stor interesse for historie, og var med i sogelag, mellom anna saman med Arne Bjørndal. Ho kan også gå på realskule i Sand i Ryfylke, tok artium ved Voss landsgymnas og tok seinare studiar i mellom anna Berlin. Sjukdom gjorde at ho ikkje fekk fullført medisinstudiet som ho hadde byrja på. Ho utdanna seg seinare til radiograf i Berlin. Ho gifta seg med Hilmar Kragh Wehn (1907 - 1984).
Då foreldra til Olga E. Bakke gifta seg, var det sjølvaste Arne Bjørndal som var felespelar. Dette var, etter det Bjørndal sjølv skal ha sagt, første gong han spelte i bryllaup. Ein kan også nemne at oldefar til Anna Utne var felespelaren Jørgen Wehn frå Røros. Han deltok på ei rekkje landskappleikar (konkurranse i folkemusikk).
Anna Utne har i mai 2020 overlevert eit knippe barnesongar til innsamlaren Kjersti Møllerup Wiik. Vi er glade for å kunne presentere fleire av desse i songboka vår: «Hei, Rokken», «Ro og rikka» og «Ro, ro te Baltaskjer».
«Ro og rikka» er ein voggesong som dei song for å få barnet til å kome i søvn. Anna Utne lærte den hjå mor si, Olga Elida Bakke (1906-1987) frå Sund/Øygarden. Teksten er Trykt i Havstrilen (Utne, 2018). Ein ser at dette er ein slag blandingssong, der ein finn element frå fleire songar. I denne voggesongen ser me element frå barneverset «Ro og rikka» og slåttestevet «Eg ser deg» til rudlen «Nøringen», som er kjent mellom anna frå Voss.
Illustrasjon: Amanda Fiksdal
